曼联专区小评：朗尼新球季岌岌可危？

可能言之尚早，不过第一场友谊赛过后，已经隐隐然令人忧心队长朗尼慨处境。喺摩帅口中，佢唔会畀呢位英格兰前锋打中场，渠讲过朗尼「唔系嗰啲离开龙门50码作赛慨人，佢唔会司职6号或者8号，渠会打9号、10号或是9.5号。」问题系，9号同10号系唔系真系仲有朗尼慨位置呢？

第一场比赛当中，新兵米希达利恩为曼联首次上阵，虽然只系对韦根，渠已经话畀大家听渠身为10号仔慨能力所在。上届身在多蒙特之时渠已经系德甲助攻王，交出15个助攻，比次席比拿拉比的11个仲多4个。而呢场友赛亦可以睇到呢位助攻王之所以咁有贡献，系因为渠有用唔完慨气力，可以话系前场的发动机之一。佢唔系卖门前一脚慨球员，亦唔系单纯以脚法同技术玩弄对手慨球员，实实在在以汗水换来对球队的作用。暂时睇，渠呢一种踢法对于速度、节奏都快慨英超嚟讲，应该有一定契合度。当然要睇实际落场先知系唔系真系适应到啦，不过以摩帅角度出发，米希达利恩好可能打10号，作为连结中场同前锋线慨一位重要人物。

而另一位10号仔人选就系马达。喺云高尔的麾下，因为人人都有自己必须遵守的冈位同工作，对于创造型的马达而言其实有啲局限，有啲发挥唔到。当然，摩帅同马达慨关系麻麻，亦有讲过马达唔适合当年车路士的阵式。只系事隔多年，球队又唔再系车路士，阵式中系唔系有马达的位置呢？加上世界上无永远的敌人，以努力闻名的马达唔单止喺第一仗交出助攻证明自己，渠亦深得更衣室人心，如果摩帅留低渠，更畀佢打返最擅长的10号位，可能有奇兵之效。

好喇，10号仔竞争激烈，咁9号呢？其实情况更为惨烈。伊巴虽然年纪大过朗尼，不过成绩表上渠31场法甲入38个入波，对比上个球季入球只有单位数字慨朗尼而言，呢位新嚟的前线大将绝对系最大对手。而除咗渠，曼联锋线其实仲有一大班人，摩帅已经大赞过新秀拉舒福特有潜质；而上季成日打翼慨法国新星马迪尔，其实最理想的位置都系打前锋。面对新星的挑战同伊巴的争位，朗尼要喺9号位、10号位争到正选其实一啲都唔易。

你可以话，一队英超波一定要有一位英军灵魂人物，就好似利物浦有谢拉特、车路士有泰利一样，有呢位典型「英」雄先可以镇住军心，亦可以保持英格兰球队传统。朗尼当然可以做得到，而渠作为老大哥，对于更衣室的稳定性亦有一定作用。只系摩连奴绝对系一位现实主义者，如果打唔出渠想要的要求，牺牲、放弃朗尼都绝对唔系一件奇事。只系，大家都知摩连奴一直都对朗尼好有好感，几年前更传过渠想将朗尼带到史丹福桥，或者狂人眼中有渠一套用朗尼的方式都唔一定。队长可以为曼联再带嚟几多贡献？或者我哋都可以静心睇睇，究竟摩帅同朗尼慨化学作用会唔会大到连伊巴都可以击败？