【十三短打】钟无艳慨幸福

两个英格兰国家队队长级人马，两个不同遭遇，其实都有啲临老唔过得世。撰文：球十三

去到季尾，对强队嚟讲当然场场重要，曼联要争前4，场场等于踢决赛；至于车路士今日英足杯恶斗热刺，打吡本身固然已经系死战，呢场意义更系英超冠军前哨战，边队赢都有打沉对手斗志慨意味。

呢两场波赛前最多人谈论系两个失意人，即系朗尼同埋泰利。

虽然今季都系失意，但嚟到关键时刻，朗尼似乎比泰利幸福。伊巴谦莫域据报重创，而红魔嚟紧1个月要踢9场，领队摩连奴知单靠福仔唔掂，而另一锋将安东尼马迪尔亦飘忽缺态，所以言谈间表明会用朗尼。

「渠有良好心理质素，系个斗士。」「渠有经验有个性，所以要准备就绪。呢一刻，我哋绝对需要每一位。」

早一日至听到前曼联队长坚尼话睇摩连奴用人就知朗尼「玩完」，但因为伊巴受伤形势唔同。摩佬口中话球队「有麻烦」，睇嚟终于要用番队长。雪咗人大半季，有事啦就重用，朗尼仲唔系钟无艳？季后慨事，季后至算。

有事钟无艳，忽然变返正印都唔错吖，可怜泰利想做都冇得做。车仔领队干地讲到明，就算加利卡希尔今日对热刺唔出得，但似乎都唔用呢位事先张扬季尾会离队慨老臣子，宁愿用成条防线几乎系最后生慨尼敦阿基，都唔用泰利。

就算冇睇泰利之前写畀车迷慨公开信，都明晒点解渠要走。点睇佢喺干地麾下都冇运行，亦点睇都知渠走多过干地走。早走早着，冇死错人。