【十三短打】飞鸟尽良弓藏

或者你未必认同渠慨踢波风格，但听完迪亚高哥斯达突然其来慨宣言，或者都有份飞鸟尽，良弓藏慨感觉。撰文：球十三

车路士重夺联赛冠军，照计应该保留原有班底，再补充一两个够分量慨兵源争取卫冕，所以如果迪亚高哥斯达（Diego Costa）所讲属实，干地决定放弃呢位夺冠要员、首席射手确系几令人意外。

除非呢个指令系球会，唔系出自干地，否则，证明两点。第一，或者渠同DC真系有积怨。无记错今年初将帅两人为咗DC可能转投中超发展有磨擦，所以干地对李斯特城场波突然弃用DC，唔使渠随队出战，留喺训练场独自操。之前亦有个讲法，系DC踢波作风狠辣，又被指不君子，对球会带嚟负面形象。

唔知内情唔再揣测，十三想讲慨第2点，系既然决意弃用DC，证明干地已经有晒后着。

或者咁代表卢卡古会再上「车」，又或者有其他具分量慨射手即将来投。所谓前「车」可鉴，早排听闻干地放假仍然留意球员慨体能数据，为未来作好准备，摆到明吸取前季车仔封王后第2季大跌watt慨教训，以佢咁有计划慨人，冇可能预计唔到DC一旦离开，对阵营士气所带嚟慨冲击，即系话，渠预备好晒。

点都好，冇善待功臣都算，但如果真系只text讯息，唔当面讲甚至电话都懒得打，咁又好似有点儿那过。或者传过渠想走好耐，但一季入22球，总算系大功臣，渠，值得一个比较体面慨告别啩？