梳尔极速回归训练 摩帅都吓到

讲态度，曼联总系有非常出色慨球员，上场友赛就有一位球员放弃哂成个暑假，用尽方法令自己维持良好状态，目的只有一个：可以为下季曼联上阵。渠就系上季受重创慨梳尔。渠喺对韦根慨比赛上阵45分钟，摩帅赛后讲到渠都话梳尔的表现令人难以置信。

佢咁讲：「我喺训练场上见到梳尔都吓一大跳，因为我一开始以为即使系有限度慨训练渠应该都未准备好，不过渠确实做到咗。原因系渠牺牲咗渠慨假期，日日都喺训练场，令自己可以保持状态。当然渠无之前咁sharp，亦无以前咁有信心，不过咁绝对系正常事情。我见到慨系梳尔好努力。」

45分钟对梳尔而言系唔系极限？摩帅话渠绝对有体能可以打多啲时间，不过呢个时候无必要去到咁尽，无谓冒不必要的险，要一步一步令渠回复状态。不过大家可以放心，因为曼联中国之旅应该都可以常常见到渠，因为摩帅已经讲明无练过慨人佢唔会畀太多机会：「基本上我会在中国用对韦根慨阵容比赛，因为呢班球员都训练咗10日。朗尼、拉舒福特、史摩宁等人无训练过就会飞去中国，我应该唔会点畀佢哋上阵。」

可能系饿得太耐，球迷们都对摩帅好热情，连摩连奴自己都吓亲：「对我而言，一场友赛我竟然得到犹如打紧英超关键赛事一样慨热烈支持，真系好难以置信。不过老老实实，我宁愿大家将热情留畀球员、留畀球队、留畀曼联。渠哋先系上场慨人，渠哋先最值得掌声，我只系跟住渠哋慨最后一个人。」狂人呢一番说话，真系几入耳架！而赛后渠同大家讲，球员已经开始转向渠想要慨打法，亦开始有渠想要慨效果，话大家要keep 住努力咁话！